Жаңылыктар

Урматуу Ысык-Көл облусунун тургундары жана коноктору!
Сиздерди- Бүткүл түрк тилдүү элдерине ата-бабалардан мурас болуп калган улуу Нооруз майрамы менен куттуктайм! Нооруз - аруулуктун, жаңылануунун, тилек кылуу жана тазалыктын майрамы. Нооруздун келиши менен табият ойгонуп, түн менен күн теңешип, адамдарга жаңы дем жана үмүт берет. Ошондой эле Нооруз - биримдиктин майрамы, өлкөбүздүн көп улуттуу элин ынтымакка жана ыйманга чакырып, элдердин достугун даңазалайт. Нооруз берекенин, өз ара түшүнүүнүн, терең ишенимдин, үзүлбөс үмүттүн учугун улаган улуу майрам. Ошондуктан бүгүн бири-бирибизди кечирип, жаман иштерди унутуп, тазаланып, жакшы жашоого умтулушубуз керек. Ар бирибиздин жүрөгүбүздө жакшылыктын, биримдиктин, бир туугандыктын сезими согуп турсун. Ушул күнү үйүңүздөргө кут конуп, ишиңиздерди ийгиликтер жылоолоп, элибизге ынтымак-ырашкерлик, үй-бүлөңүздөргө бакыт-таалай алып келсин. Өлкөбүз тынчтыкта, биримдикте өркүндөп өсө берсин. Майрамыңыздар кут болсун!
Урматым менен, Ысык-Көл облусун өнүктүрүү фондусун башкаруу боюнча дирекциясынын мүдүрү, Самат Медеров.